"Thank You" ခင်ဗျားကမ္ဘာနဲ့ချီပြီး
သံယောင်မလိုက်နဲ့ အဲဒီစကားလုံးတွေ
ကျနော့်အတွက်အဓိပ္ပာယ်မဲ့သွားခဲ့တာကြာပြီ။
"အချစ်" ခင်ဗျားမျက်နှာဖုံးတွေတပ်လို့
စွတ်စွတ်မပြောနဲ့ အဲဒီစကားလုံးတွေ
ကျနော့်အတွက်လူရာမ၀င်ခဲ့တာကြာခဲ့ပြီ။
"သတိရခြင်းလား" ခင်ဗျားလျှာအရိုးမရှိတိုင်း
ခပ်ဖွဖွမပြောနဲ့ အဲဒီစကားလုံးတွေ
ကျနော်ထွေးထုတ်ခဲ့တာကြာခဲ့ပြီ။
"လွမ်းမိသတဲ့လား" ခင်ဗျားဟန်ဆောင်အပြုံးနဲ့
မကျီစယ်ချင်နဲ့ အဲဒီစကားလုံးတွေ
ကျနော်အန်ထုတ်ခဲ့တာကြာခဲ့ပြီ။
"မျှော်လင့်ခြင်း" ခင်ဗျားရင်ဘတ်ကို
နွားဖားကြိုးမထိုးချင်နဲ့ အဲဒီစကားလုံးတွေ
ကျနော့်အတွက်ရင်ဘတ်ပေါက်နဲ့မျိုချနေခဲ့ရတာကြာခဲ့ပြီ။
"သစ္စာတရား" ခင်ဗျားမွဲပြာပုဆိုးကို
အရောင်မတင်ချင်နဲ့ အဲဒီစကားလုံးတွေ
ကျနော့်အတွက်အရောင်မဲ့ခဲ့တာကြာခဲ့ပြီ။
"မေတ္တာတရား" ခင်ဗျားအပူရုပ်ကို
ဟန်မလုပ်နဲ့ အဲဒီစကားလုံးတွေ
ကျနော့်ရပ်ဝန်းထဲမိုးခေါင်သွားခဲ့တာကြာခဲ့ပြီ။
ခိုင်နုငယ်
********
No comments:
Post a Comment